Ustoz.uz platformasidan foydalanish shartlari

(Ommaviy oferta)

Kuchga kirgan sana: 2026-yil 21-oktabr

Ushbu hujjat "Ta‘lim Ekotizim" MCHJ (keyingi o‘rinlarda — «Ijrochi») tomonidan Ustoz.uz onlayn taʼlim platformasi (keyingi o‘rinlarda — «Platforma») orqali taqdim etiladigan xizmatlardan foydalanish shartlarini belgilaydi va O‘zbekiston Respublikasi Fuqarolik kodeksiga muvofiq ommaviy oferta (shartnoma tuzish taklifi) hisoblanadi.

1. Atamalar

  • Platforma — Ustoz.uz veb-sayti va unga bog‘liq xizmatlar;
  • Ijrochi — "Ta‘lim Ekotizim" MCHJ;
  • Foydalanuvchi — Platformada ro‘yxatdan o‘tgan va ushbu ofertani qabul qilgan jismoniy shaxs;
  • Kurs — Platformada joylashtirilgan o‘quv kursi: video darslar, jonli darslar, testlar, amaliy topshiriqlar va boshqa o‘quv materiallari majmui;
  • Akseptlash — Foydalanuvchining ushbu ofertaga to‘liq va so‘zsiz rozilik bildirishi (3-bandga qarang).

2. Shartnoma predmeti

Ijrochi Foydalanuvchiga Platforma orqali Kurslarga masofaviy (onlayn) kirish huquqini beradi, Foydalanuvchi esa tanlangan Kurs narxini ushbu oferta shartlarida to‘laydi. Kurslar 100% onlayn formatda o‘tiladi.

3. Ofertani qabul qilish (akseptlash) va ro‘yxatdan o‘tish

  1. Oferta Platformada e’lon qilingan paytdan boshlab har qanday shaxs uchun ochiq taklif hisoblanadi.
  2. Foydalanuvchi quyidagi harakatlardan birini bajarsa, oferta qabul qilingan hisoblanadi: Platformada ro‘yxatdan o‘tish (ro‘yxatdan o‘tish formasidagi rozilik belgisi) yoki Kurs uchun to‘lovni amalga oshirish.
  3. Ro‘yxatdan o‘tish mobil telefon raqami orqali amalga oshiriladi; raqam SMS orqali yuborilgan bir martalik kod bilan tasdiqlanadi. Foydalanuvchi to‘g‘ri va dolzarb maʼlumotlarni kiritishi shart.
  4. Foydalanuvchi hisobi (login va parol) shaxsiy hisoblanadi. Uni uchinchi shaxslarga berish, hisobdan bir necha kishi foydalanishi taqiqlanadi. Hisob orqali amalga oshirilgan barcha harakatlar uchun Foydalanuvchi javobgar.
  5. Voyaga yetmaganlar Platformadan ota-onasi yoki qonuniy vakilining roziligi bilan foydalanadi.

4. Xizmat ko‘rsatish tartibi

  1. Kurs to‘lovi muvaffaqiyatli amalga oshirilgandan so‘ng Foydalanuvchiga Kurs materiallariga kirish huquqi avtomatik ochiladi.
  2. Kurs tarkibi (video darslar soni, jonli darslar, testlar, amaliy mashg‘ulotlar), davomiyligi va dasturi Kursning o‘z sahifasida ko‘rsatiladi. Kurs davomida Foydalanuvchi o‘qituvchilardan individual maslahat, yozma topshiriqlarga fikr-mulohaza (feedback) va savollariga javob olishi mumkin — bu imkoniyatlar Kurs tavsifiga muvofiq taqdim etiladi.
  3. Kursni muvaffaqiyatli tugatgan Foydalanuvchiga sertifikat beriladi. Sertifikatning PDF faylini Platformadan yuklab olib, chop etish mumkin.
  4. Ijrochi Kurs mazmunini yangilash, darslar va topshiriqlar tarkibini takomillashtirish huquqiga ega.

5. Narx va to‘lov tartibi

  1. Kurs narxi Kurs sahifasida so‘mda ko‘rsatiladi va to‘lov paytida tasdiqlanadi.
  2. To‘lov Platformada taqdim etilgan onlayn to‘lov usullari orqali amalga oshiriladi. Bank kartasi maʼlumotlari Platformada saqlanmaydi, to‘lov tegishli to‘lov tizimi tomonida qayta ishlanadi.
  3. Ijrochi Kurslarga chegirmalar va promokodlar taqdim etishi mumkin. Chegirma va promokodlarning amal qilish muddati va shartlari ular e’lon qilingan joyda ko‘rsatiladi.
  4. Kurs narxini bo‘lib to‘lash (masalan, «Uzum nasiya» orqali) imkoniyati faqat shu xizmat taqdim etilgan Kurslar uchun mavjud. Bo‘lib to‘lash shartlari (muddat, foiz va boshqalar) to‘lov xizmatini ko‘rsatuvchi tomonidan belgilanadi.
  5. To‘lov summasi Ijrochining hisob raqamiga tushgan paytdan boshlab to‘lov amalga oshirilgan hisoblanadi.

6. Kursga kirish muddati

Sotib olingan Kurs Foydalanuvchida doimiy qoladi: Kurs materiallariga kirish muddati cheklanmagan va Foydalanuvchi darslarni istalgan vaqtda qayta ko‘rib chiqishi mumkin.

7. To‘lovni qaytarish

  1. Agar Foydalanuvchi sotib olgan Kursining mazmuni yoki sifatidan qoniqmasa, Kursni sotib olgan paytdan boshlab 3 (uch) kun ichida Kursni bekor qilib, to‘lov summasini qaytarib olishi mumkin.
  2. Qaytarish uchun Foydalanuvchi Ijrochiga ushbu muddat ichida murojaat qilishi kerak: info@oliygoh.uz, +998 (90) 997 91 14 yoki Telegram orqali yordam xizmati. Murojaatda ism-sharif, mobil raqam va Kurs nomi ko‘rsatiladi.
  3. Pul qaytarilgan taqdirda shu Kursga kirish huquqi bekor qilinadi.
  4. Pul to‘lov amalga oshirilgan usul orqali qaytariladi. Bank yoki to‘lov tizimi tomonidan pul tushish muddati ularning qoidalariga bog‘liq bo‘lishi mumkin.

8. Intellektual mulk

  1. Platformadagi barcha materiallar — video va jonli darslar yozuvlari, matnlar, testlar, topshiriqlar, dizayn va boshqa kontent — «Ustoz.uz» intellektual mulki hisoblanadi va qonun bilan himoyalangan.
  2. Materiallarni nusxalash, yuklab olish, ekran yoki ovozni yozib olish, o‘zgartirish, uchinchi shaxslarga tarqatish, sotish, ommaviy joylashtirish qat’iyan man etiladi. Foydalanuvchi materiallardan faqat shaxsiy o‘quv maqsadida foydalanish huquqiga ega.
  3. Ushbu talab buzilgan taqdirda Ijrochi Foydalanuvchining Kursga kirishini to‘xtatish, to‘lovni qaytarmaslik va qonunchilikda nazarda tutilgan boshqa choralarni ko‘rish huquqiga ega.

9. Tomonlarning huquq va majburiyatlari

9.1. Ijrochi:

  • Foydalanuvchiga to‘lovdan so‘ng Kurs materiallariga kirishni taqdim etishi;
  • Platformaning barqaror ishlashi uchun oqilona choralar ko‘rishi;
  • Foydalanuvchi murojaatlarini ko‘rib chiqishi;
  • Foydalanuvchi shaxsiy maʼlumotlarini Maxfiylik siyosatiga muvofiq himoya qilishi shart.
  • Ijrochi texnik ishlar uchun Platformaning ishlashini vaqtincha to‘xtatish, ushbu oferta shartlarini buzgan Foydalanuvchining hisobini cheklash yoki bloklash huquqiga ega.

9.2. Foydalanuvchi:

  • ushbu oferta shartlariga rioya qilishi va to‘g‘ri maʼlumot kiritishi;
  • hisob maʼlumotlarini sir saqlashi;
  • Kurs narxini o‘z vaqtida to‘lashi;
  • Platformadan qonunga xilof maqsadlarda foydalanmasligi, boshqa foydalanuvchilar va Platformaning ishlashiga zarar yetkazmasligi shart.

10. Javobgarlik

  1. Ijrochi Kurs sifatli taqdim etilishiga javob beradi, biroq Foydalanuvchining o‘qish natijalari (imtihon, sertifikat yoki o‘quv yurtiga qabul natijalari) Foydalanuvchining o‘z mehnati va tayyorgarligiga bog‘liq bo‘lgani uchun muayyan natijani kafolatlamaydi.
  2. Ijrochi Foydalanuvchining internet aloqasi, qurilmasi yoki uchinchi shaxslar (to‘lov tizimlari, aloqa operatorlari) xatolari tufayli yuzaga kelgan nosozliklar uchun javobgar emas.
  3. Tomonlar irodasiga bog‘liq bo‘lmagan favqulodda holatlar (tabiiy ofat, davlat organlarining qarorlari, keng ko‘lamli tarmoq uzilishlari va boshqalar) yuzaga kelganda majburiyatlarni bajarmaganlik uchun javobgar bo‘lmaydi.

11. Shaxsiy maʼlumotlar

Foydalanuvchi ushbu ofertani qabul qilish orqali o‘zining shaxsiy maʼlumotlarini Maxfiylik siyosatida ko‘rsatilgan maqsad va tartibda qayta ishlanishiga rozilik beradi.

12. Nizolarni hal etish

Ushbu oferta bo‘yicha yuzaga kelgan nizolar avvalo muzokaralar orqali hal etiladi. Kelishuvga erishilmasa, nizo O‘zbekiston Respublikasi qonunchiligiga muvofiq vakolatli sudda ko‘rib chiqiladi. Foydalanuvchining iste’molchi sifatidagi huquqlari qonun bilan kafolatlanadi.

13. Oferta shartlarini o‘zgartirish

Ijrochi ushbu ofertani bir tomonlama o‘zgartirish huquqiga ega. Yangi tahrir Platformada e’lon qilingan paytdan kuchga kiradi. O‘zgartirishdan oldin to‘lovi amalga oshirilgan Kurslar bo‘yicha Foydalanuvchining huquqlari (jumladan, kirish muddati va pulni qaytarish huquqi) saqlanadi.

14. Ijrochi rekvizitlari

"Ta‘lim Ekotizim" MCHJ
Manzil: Toshkent shahri, Chilonzor tumani, Kichik Xirmontepa MFY, 19 mavze, 24а-uy, 72-xonadon
Bank: “TBC Bank” ATB Bosh ofisi, bank kodi: 01180
H/r: 20208000607409243002, STIR: 312786828
Tel.: +998 (90) 997 91 14
E-mail: info@oliygoh.uz, www.activemedia.uz

Qo‘shimcha maʼlumot uchun Aloqa sahifasiga qarang.